TINABIG NANG konti ni Eya ang kaniyang kaibigan na si Joy nang bumubulong-bulong ito nang pasimple sa kaniya habang naglalakad na sila papasok sa loob ng bahay. Nasa may bandang hulihan kasi sila habang nauuna naman sa paglalakad ang binata na si Zeke.
“In all fairness huh, ang gwapo ng amo mo.” bulong sa kaniya ni Joy kaya naman awtomatiko siyang napatingin kay Zeke an nasa unahan nila sa pag aakala na narinig siya nito.
“Ano ka ba, tumigil ka nga.” Pa bulong din na pag-saway niya sa kaibigan at saka muli na naman niyang dinagil ito sa balikat nang mahina lang naman. Tumawa lang naman sa kaniya si Joy na parang nang aasar pa rin pero hindi na lang niya ‘yun masyado pang pinansin lalo na at malapit na sila sa pintuan ng bahay.
Naunang pumasok ang binata sa loob ng bahay habang nanatili
