“HEY HEY HEY.” Napatawa na lang nang mahina si Eya nang batiin siya agad ng kaibigan niyang si Joy habang kasalukuyan lang siya na naglalakad pauwi ng kaniyang bahay. Nadaanan niya kasi ang tindahan ng kaibigan kung saan ay hindi niya inaasahan na ito pala ang nagbabantay doon ngayon habang nakatambay pa sa labas kaya naman nakita siya agad nito.
Bus lang din kasi ang sinakyan niya pauwi, hindi naman nag do-door to door ‘yun kaya kinailangan niya na maglakad pa. Buti na lang din talaga at kokonti lang ang dala niyang bag noong pumunta sila sa Maynila ni Zeke kaya hindi siya nahihirapan ngayon na bitbitin ang mga gamit niya habang naglalakad.
“Ma, pupunta lang ako kina Eya! Ikaw na ang bahala sa tindahan.” narinig niya pang sigaw ni Joy sa ina nito para ipaalam na aalis ito at sasabay s
