PAGKABABA NILANG tatlo sa sasakyan ay marami na agad ang nakapansin kay Tim lalo na ang ilang mga kababaihan na papasok pa lang din sa simbahan katulad nila. Ang ibang mga kababaihan na masisilayan siya ay biglang mag bubulungan at ang iba naman ay nanatili lang na nakatingin sa binata. Hindi naman kasi talaga maitatanggi na kapansin-pansin si Tim, idagdag pa ang pananamit nito na halata mong taga siyudad at hindi taga-probinsiya. Ngunit, kahit ganon ay walang kaalam-alam si Tim na hinahanggan na siya ng mga kababaihan ng mga sandaling ‘yun sapagkat ang atensyon niya lang ay nasa paglalakad nila.
Aakyat na sana sila sa hagdan upang makapunta na sila sa mismong simbahan ay awtomatikong natigilan sina Eya at Joy dahil sa mga kalalakihan na natanaw nila na ngayon na pababa ng hagdan. Tatlong
