PAGKALABAS NI Eya sa silid kung saan katatapos niya lang na ma-interview ay agad siyang napatingin sa kaniyang gilid ng biglang tumayo mula sa may waiting bench ang kaibigan niyang si Andrew. May malawak pa rin na ngiti sa mga labi ng binata nang batuhan niya ito nang nagtatakang tingin.
“Oh, nandito ka pa rin? Kanina pa natapos ang interview mo, ‘di ba?” pansin niya sa kaibigan. Si Andrew kasi ang naunang na interview sa kanilang dalawa, mga 30 minutes siguro ang pagitan nila sa isa’t-isa. Halos mag a-alas tres na nga nang hapon eh, sobrang dami rin kasi na mga aplikante tapos hindi pa sigurado kung anong oras tatawagin ang mga pangalan kaya talagang binantayan niya ‘yun. Once na maligtaan ka kasi ay hindi na sigurado kung kailan na ang susunod na interview at ayaw naman niyang masayang
