Katulad ng dati ay muli akong inabangan ni Doc. Jc sa lobby para mag “good morning” bago pumasok sa kanyang opisina dahil ako daw ang insperasyon n’ya para magawa n’ya ng maayos ang kanyang trabaho. Aaminin ko namang naapreciate ko ang pagiging thoughtful ni Jc sa akin, at kung hindi ko nga lang nakilala si Ian ay sigurado akong mahuhulog na din ang loob ko sa kanya. “Pero ‘yon nga lang, naka bakod na ang puso ko eh, at trespassing are not allowed!” Bumontong hininga ako at pumasok na sa opisina ko. Matapos kong I review ang mga papeles na kailangan kong permahan ay lumabas na ako ng opisina ko para kumostahin at I check ang mga pasyente ko.
“Kumosta ka na Ben? Kumosta na ang pakiramdam mo ngayon? Nakangiting tanong ko sa batang naka higa sa hospital bed at binabantayan ng kanyang ina.
