Naiwang tulala ang halos lahat sa bilog nang marahas na talikuran kami ni Kuya Red.
Ang kaninang masiglang hiyawan at kantiyawan ng mga bata ay biglang napalitan ng ilang segundong nakabibinging katahimikan, na tanging ang langitngit lang ng nasusunog na kahoy mula sa bonfire ang naririnig.
"Galit ba si Kuya Pogi?" pabulong na tanong ni Maya habang nakahawak pa rin nang mahigpit sa braso ng jacket ko. "Ate Sage, nainis po ba namin siya dahil sa biro nina Poypoy?"
"Eh Ate Sage, bakit po siya maiinis? Dapat po ikaw po ang naiinis ngayon eh."
"Baligtad mo. Ngeh."
Pilit kong pinakalma ang sarili ko kahit ang totoo ay may kung anong nagwawala sa di-bdib ko dahil sa halo-halong emosyon. Ang bawat salita ni Harvey kanina ay tila ba nag-iwan ng malalim na marka sa akin, pero ang mas nanging
