Masayang natapos ang mababang gabi. Hindi kaagad ako pumunta sa tent para magpahinga, sinamahan ko muna ang mga bata sa paghugas ng kanilang paa at pagpapalit ng mga damit.
"Ate Sage. . . gusto kita katabi matulog." nakanguso, inaantok, at naglalambing na sabi ni Maya habang papunta na kami sa tent nila.
"Hindi pwede, masyado na kayong siksikan sa tent, Maya." natatawang sabi ni Leon, buhat buhat niya si Poypoy na pumipikit pikit na dahil sa antok.
Napangiti naman ako.
Bukas na ang huling araw ng camping. . . Panigurado ay mami-miss ko ang mga bata. Magiging back to normal na naman ang lahat pagtapos nito.
Ang kaninang maingay na gabi ay napalitan na ng nakakabinging katahimikan. Wala na ang tawanan at usapan. Nagsi-tulog na rin ang mga volunteers kagaya namin. Sadyang kami lang
