Kailangan ko ng gagawin. Ng pagkaka-abalahan para hindi laging si Kuya Red ang iniisip ko. Nakita ko kasi kanina siya kasama ng isa sa babae niya. Si Giana? Si Jessica? Hindi ko na alam ang pangalan niya.
At naiinis ako.
Hindi ko alam kung sa sarili ko ba dahil bakit apektado ako, ang ta-nga ko lang dahil ako mismo ang nag-set ng rule na pwede kaming sumama kahit na sino. O naiinis ba ako kay Kuya Red dahil akala ko kahit na may rule kami na pwede ay hindi niya pa rin gagawin. . .
Asa naman ako.
Nakakainis!
Maaga akong umuwi sa apartment ngayon dahil hindi magbubukas ang Kapiko ngayong araw. Hindi ko alam kung bakit. Sayang din ang sweldo ngayong araw pero wala akong magagawa.
At dahil wala akong pinagkaka-abalahan, kung ano ano ang mga pumapasok sa isip ko at hindi ako natutuwa.
