"What's up! Hi, Sage!"
Nagulat ako nang andito na naman ang buong banda ni Kuya Red sa Kapiko. Abala kami ni Leon sa paglilinis ng kalat nang bigla silang nagdatingan.
Inirapan ko lang silang lahat bago ako nagpatuloy sa ginagawa. Rinig ko ang pagtawa nila.
"Sage, bakit naman naka-turtle neck ka? Ang init init ng Pilipins." natatawang sabi ni Kuya Maru nang matapos niyang mag-order at napili talaga nilang pwesto ang kakatapos ko lang linisan.
"May sakit kasi ako." palusot ko na lang.
"Siguro dahil sa puyat 'no?" natatawang sabi nito sabay tingin kay Kuya Red.
Napatingin din tuloy ako sa lalaki na nakakalokong nakangisi ngayon. Biglang dinaga ang puso ko. Teka, anong nalalaman ni Kuya Maru?
"Kawawa ka naman Sage, pinupuyat ka ni Red." sabi pa nito.
"What the f-ck are you say
