Maghahating-gabi na pero nakaupo pa rin ako sa sofa, nakikipagtitigan sa blangkong pahina ng reviewer sa kandungan ko. Kanina ko pa sinusubukang magbasa, pero lumalabo lang ang mga letra dahil sa bawat senaryong tumatakbo sa utak ko.
Sinabayan ako ni Tita Jonah kumain ng carbonara niya. Pinagsabihan niya rin ako sa pagiging patolera ko kay Kuya Red. Magkamustahan tapos ay nag-bonding ng ilang minuto bago siya umalis.
Bawat pitik ng orasan sa pader ng apartment ay parang pang-uuyam. Isang oras, dalawang oras, limang oras. . . gabi na, o mas tamang sabihing madaling-araw na. Kasama pa rin ni Red si Lavender.
Naiisip ko pa lang ang marangyang restaurant na pinili nilang puntahan, ang mahinang tugtog ng violin, ang amoy ng mamahaling alak, at si Lavender na nakaupo sa tapat ni Red habang s
