Buong linggo kong pinanindigan ang katahimikan sa loob ng apartment namin.
Kung kaya ni Kuya Red umiwas at umaktong cold. Kaya ko rin 'no. Kung cold si Kuya Red, mas triple ang lamig na ibinalik ko sa kaniya.
Halos hindi na kami nagkikita sa sala. Maaga akong umaalis para pumasok at sinisigurado kong gabi na ako uuwi kapag alam kong tulog na siya o kaya ay nasa labas siya kasama ng kaibigan niya. O kung sino mang tao ang kasama niya.
Binura ko na rin sa utak ko ang lahat ng nangyari noong gabing nalasing siya. Kung para sa kaniya ay isang simpleng transaksyon lang ang lahat at sunod-sunuran kami sa kontratang ginawa niya, sige. Paninindigan ko na lang kung anong tingin niyang ano kami.
Magiging tahimik na Sage na lang ako kagaya ng dati bago pa kami nagkasundo.
Pero sa totoo lang,
