Hindi namalayan ni Bea na nakatulog na siya sa balcony. Mataman siyang tinititigan ng binata habang nakatingala ito sa kaniyang kinaroroonan.
“Manang, baka sumakit ang leeg niya, pakipaalalahanan na lang na sa kama siya matulog,” agad na sabi niya nang lapitan siya ni Aling Marites. Hindi rin kasi makatulog ang matanda kapag nakita nitong gising pa si Lucio o kapag alam nitong gising pa ang binata.
“Sige po, Sir Lucio,” sagot naman kaagad ng matanda. Paalis na ito nang muling magsalita si Lucio.
“Siya nga po pala, matulog na rin kayo. Patapos na ako rito. Aakyat na rin ako,” sabi niya sa matanda. Alam niya kasing tiyak na hindi pa ito matutulog.
“Sige po, Sir. Magandang gabi po,” sabi ng matanda pagkatapos ay tuluyan nang nagtungo sa kuwarto ni Bea.
“Hija, lumipat ka na sa kama. Manan
