“Mabuti naman at nakabalik na kayo, Ineng.” bakas ang kasiyahan mula sa ngiti sa labi ni Aling Marites na talaga namang nakaabang sa pagdating nila. Halos isang araw rin ang pagbiyahe nila pabalik.
“Oo nga po, Manang. Grabe ang traffic bukod sa haba ng biyahe.” sagot naman ni Bea habang inilalapag ang shoulder bag niya at saka naupo sa upuang gawa sa kawayan.
“Wala namang bago riyan, Ineng. Sadyang traffic na noon pa. Kumain ka muna ng meryenda. May mango graham diyan sa ref. E marami ang nagawa ko at hindi rin naman malakas kumain ng matamis si Lucio. Mabuti pa si—,” agad din namang huminto si Aling Marites sa pagsasalita nang pumasok sa loob ng sala si Lucio.
“Sir Lucio, narito na si Bea.” tumango lang si Lucio at tumingin sa dako niya pagkatapos. Ngunit walang ekspresyon ang mukha. N
