MATAPOS ang tatlong araw na wala kami rito sa bahay ay umuwi na rin kami. Gustong-gusto nang kausapin ni Yago ang pamilya ko tungkol sa aming dalawa pero ang sabi ko ay gawin namin iyon pagkatapos ng kasal ni Ate Maxine. Ayokong masira ang isa sa importanteng araw ng kapatid ko dahil sa isyu ko sa pamilyang ito.
Hindi kami madalas magkita ngayon ni Yago dahil abala siya sa trabaho habang ako ay tumutulong sa kasal ni Ate Maxine. Hindi ko rin alam kung alam na ba ng mga pinsan namin na maayos na ang relasyon namin ulit ni Yago o hindi pa. Siguro para sa iba ay malayo nang mangyari iyon dahil may Zari na sa buhay ni Yago.
Masaya ako noong araw ng kasal ni Ate. Ganoon man, isang trahedya rin ang nangyari. Hindi natuloy ang kasal dahil pinatay ang groom.
May humila sa akin habang nagkakagul
