CHAPTER 46
“Ingatan mo itong anak namin, Walter.”
Nakahanda na lahat ng mga gamit namin. Aalis na kami ngayon sa bahay at doon na kami titira sa bahay ni Walter. Kaming dalawa ng anak ko. At kasalukuyang nagiging emosyonal si mommy dahil aalis na kami.
“Si Jasminne, ah? Palagi kang magsesend ng picture niya. Dadalaw kami palagi doon.” ilang beses hinalikan ni mommy ang noo ng anak ko na natutulog sa bisig ko.
“Mommy, pwede ka namang dumalaw doon kahit kailan mo gusto.”
“Yes, tita. You can also sleep there.” suggestion ni Walter.
Nag- improve na sila ngayon. Hindi na ma'am at sir ang tawag niya, tita at tito na.
That means that their relationship is getting better.
Mahigit isang buwan din bago namin sila napapayag na doon kami tumira kay Walter.
“Dadalaw kami ng daddy mo doon.”
