(KUROM’S POV)
Hindi talaga ako makapaniwala sa babaeng kaharap ko. At parang hindi man lang tumalab dito ang aking inilagay na injection. Ang nakakainis pa’y minura pa ako nito. Kaya talagang gigil na gigil ako rito. Mayamaya pa’y nakita kong may inilabas itong kutsilyo. Awang ang aking labi ng basta na lang nitong hiniwa ang binti na kung saan ko isinaksak ang injection ko.
Anong plano ng baliw na babaeng ito? Hanggang sa makita kong umagos ang dugo sa binti nito. Ano ‘yon hindi man lang siya nasasaktan?
“Heto ba ang lamang ng injection mo?” Sabay sabog sa aking harapan ng maliliit na bilog na kulay silver. Hayop! Paano nito nalaman ‘yon? Sino ba ang babaeng ito? Mayamaya pa’y mabilis itong nakalapit sa akin at basta na lang sinaksak ang aking braso. Malakas akong napasigaw dahil sa
