Chapter 24
KINABUKASAN ay nabalitaan ni Alexa mula kay Jam na umuwi na nga si Melai. Ang nakakainis, maaga pa lang daw ay naroon na si Liam para kausapin ito. Dahil nagmamadali ay hindi raw nakipag-usap ang babae pero pumayag naman itong magpahatid sa terminal ng bus. Nagngitngit ang loob niya dahil doon. Bakit kailangang kausapin pa ni Liam si Melai samantalang nagkaintindihan na ang mga ito kagabi pa? Ang buong akala pa naman niya ay totoo sa loob nito ang mga sinabi. Hindi kaya nabigla lang ito at napahiya sa kanya o hindi kaya ay napasubo? Hindi pa naman siya nakatulog nang husto kagabi dahil sa kaiisip sa mga nangyari, iyon naman pala ay mukhang malabo iyon para dito. Walang dumating na Liam sa buong araw na iyon. Batong-bato siya sa kawalan nang gagawin. Nang yayain siya ni Jam na sumama sa ma
- Writer
