خُلقتُ لهُ

الجزء الثامن

" المسا كدا جوني مهيد ومؤيد مهيد كان شايل ورقة ومؤيد شايل هدية مغلفة بالأزرق وادوني ليهم "

مهيد: دي أكبر هدية ممكن أقدمها ليك دي ورقة حريتك من الواطي هاشم ???

" دموعي جات جارية مؤيد مسحها لي "

مؤيد: طالما نحن عايشين في الدنيا دي مستحيل نخلي دموعك تنزل ?

" امي جات ولقتنا متجمعين بقت تبكي بعد عتاب طويل اتصافينا لاني بالجد حسيت بأنها ندمانة حسيت بفرح كبير لانو عيلتنا بدت ترجع الليلة كان احلى يوم من بعد معاناة كبيرة "

مؤيد: تاني ماف شي بخليك تخافي لانو كلنا معاك وهاشم في السجن لانو كان مديون واقامتو اتكنسلت وعامل جرائم كتيرة

امي : يستاهل الله لا جاب عقابو ???

" عديت اسبوع في المستشفى وكلهم ما قصروا معاي حتى خالتو نادية جاتني كم مرة مع ايسر وحتى عمار ما قصر كل يوم بجيب لينا اكل والحمد لله اتعافيت ورجعت مع مهيد وراشيناز بيتهم بعد فترة مؤيد اتقدم لي نورا وعرسهم كان حلو شديد انا وعمار بقينا أصحاب لانو هو كل يوم في وشي بجي بشتغل مع مهيد رجعت بيتنا واستقبلني ابوي من الباب حضني وقال لي يا بتي اعفي لي العملتو فيك ما هين انا واحد اناني ودمرتك عشان مصلحتي المهم بعد حوار طويل وعتاب وزعل رضيت وعفيت ليو واتصالحنا حسيت بالفرح لانو عيلتي رجعت واجتمعت من جديد رجعت اوضتي ولقيتها مرتبة رقدت كدا اتصل علي عمار "

عمار : الو يا سمر كيفك مساؤ ??? ممكن نتلاقى انا برا البيت اطلعي ؟؟؟

انا : أطلع كيف والوقت أتأخر ?

عمار : بتطلعي ولا ادخل

انا : أدخل ساي م بطلع ????

" دخل ولقى امي أداها ورقة وطلع فات ولا حتى فكر يشوفني امي جابت لي الورقة فتحتها لقيت كمية من الحجات مكتوبة فيها شوية كدا اتصل علي تاني "

عمار : الورقة دي فيها كمية من الحجات المفروض نمشي بكرة نشتريها مع بعض وجيت استشيرك في الموضوع بس ما اكتر !!!!

انا : نشتريهم لشنو وموضوع شنو ؟؟؟

عمار : طيب يا ستي بعد بكرة عيد ميلاد مؤيد ومهيد لو ما متزكرة ازكرك وكنت حابي نفاجئهم ولو ما حابة تتعاوني معاي عادي بعمل كل شي براي ???

انا : انت منفعل لي هسا طيب يا سيدي انا بكرة بمش معاك

عمار: طيب ما قصرتي يلا سلام

" تييييت فصل الخط حسيت بيو بقى يختصرني شديد عمار اتغير مني ما زي زمان وفعلا تاني يوم من الصباح مشيت معاو السوق وجبنا كل المستلزمات المحتاجين ليها وعملت التورتة انا من ٣ طوابق وبدينا تجهيزات الحفلة اجرنا صالة واتصلت علي نورا وراشيناز حكيت ليهم بالخطة وتاني يوم جابو مهيد ومؤيد ع اساس عرس صحبتنا بس عملنا ليهم مفاجأة وانبسطوا شديد فجأة الصالة كلها اتملت بعد شوية عمار شايل جيتار وبقى بغني طبعا صوتو حنين وهو زاتو اللهم الثبات بس لابس بنطلون اسود وقميص بيج بقيت ما قادرة اشيل عيوني منو اتذكرت كلامو القالو يوم كنت هاربة من هاشم انا خلفت ليو ما لي غيرو ? هو كان قاصد شنو بكلامو دا المهم الحفلة خلصت قلبوها لعبة صراحة جراءة اول دور جانا انا وعمار دايرة انسحب بس هو سبقني وقال الدور جا غلط طبعا في اللحظة دي كأنو ض*بتني صاعقة ما عارفة ردودو الباردة دي بتأثر فيني لي??? ولي انا بهتم بكل كلمة هو بقولها معقولة دا عمار الما كنت بطيق أسمع اسمو حركتو زعلتني شديد عشان كدا عملت نفسي مشغولة بالتلفون وزحيت بعيد منهم شوية كدا لحقتني رشو قعدت تتونس معاي "

يتبع......