خُلقتُ لهُ

" اعرفكم على نفسي انا سمر مختار عمري 21سنة قارية صيدلة ومتخرجة وشغالة في صيدلية عندي اخوين توأم مؤيد ومهيد أكبر مني وقارين إدارة أعمال انا ومهيد علاقتنا حلوة شديد يعني هو اخوي وابوي وسند لي وكل حاجة حلوة في حياتي اما مؤيد دا ما محتكة بيو شديد لانو اصلا ما فاضي بجي زول نوم بس وابوي زول مشغول شديد عندو معرض عربات هو وعمي محمد شريكين مع بعض ابوي دا زول قاسي شديد واي كلام بقولوا لازم يمشي وامي ما عندها راي بس دايما بتمشي بي راي ابوي البقولو ودي الحاجة البتكرهني فيها ? طبعا مهيد اخوي عندو صحبو اسمو عمار وبحبني شديد اما انا اشوف الموت ولا اشوفو بكرهوا عمى عندي صحبتين نورا ودي في الخرطوم والتانية راشيناز ودي هنا معاي وشغالة معاي في نفس الصيدلية ؛ يوم قاعدة في البيت وزهجانة والبيت فاضي وماف موضوع وكان يوم جمعة وانا الجمعة ما بمشي الدوام بس فجأة مهيد اخوي جا داخل جريت حضنتو" انا : وربي اشتقت ليك البيت بقى مسيخ من دونك عليك الله تاني ما تمشي تخليني ? مهيد: وانا اكتر يا مجنونة والله الشغل بجبرني ابعد منكم لو ما كدا ما بغيب ?? انا : شغل شنو البخليك تقول لي مسافر يومين تلاتة وتمشي تقعد شهر ما حرام عليك ? مهيد : والله مشغول وتعبت تعب غايتو الحمد لله ربنا يعين بس؛ انا جعان شديد كدي قومي جهزي لينا اكل وشاي ظريف معاي عمار ? انا : جيت مع صحبك دا?? اصلي ما بطيقو وسيرتو بطمم لي بطني? مهيد : بالع** والله زول ظريف ومحبوب بطلي كلام كتير وبعدين هو صحبي ولا صحبك يلا قومي مسافة نصلي الجمعة ونجي ? " دخلت المطبخ وانا شغالة وبنقنق وصارة وشي زي كوم البطاطس زي ما بتقول امي ? والله الليلة لقيتها يا عمار تاكل من يدي سجم متخلف ؛ جهزت الاكل ومهيد جا يشيلو " مهيد : امسكي وشك ما يقع ?? انا : شيل الاكل دا من قدامي قبل ما اغير رايي ? " شالو وفات غياظ خلاص ?؛ مشيت الأوضة لقيت راشيناز بتتصل بتتصل علي " انا: اها يا مرض مالك ؟؟ رشو : مرض يمرضك بكرة حأجي راجعة معاك لانو امي وابوي مسافرين ? انا : قووولي والله ? احلى خبر طبعا مهيد زاتو رجع الليلة ? رشو: احلفي ? واااي لي عمل كدا طيب تمام لي بكرة ? انا : طيب سي يوووو " طبعا راشيناز وحيدة امها وأبوها وطوالي بسافروا وهي بتجي تقعد معاي وهي ومهيد بحبو بعض وماف واحد اعترف للتاني بس انا عارفاهم وحأكشفهم يوم ؛ تاني يوم مشيت الصيدلية واتلقاني ايسر من الباب طبعا ايسر دا اخو عمار وما عارفة لي برتاح ليو اكتر المهم اليوم عدّ ورجعنا البيت انا وراشيناز نض*ب في الجرس ساي بعد خراج روح فتح لينا مؤيد " مؤيد: في حاجة اسمها زوق شنو ياخ كرهتونا قعاد البيت ?? رشو : ماف زول جابرك تقعد لو ما عاجبك اتفضل اطلع برا ?? مؤيد: أصلا طالع لأنك كرهتينا بي وشك الواحد دا ? " طلع خلى البيت ?? اصلا رشو ومؤيد ما بطيقو بعض " رشو: غايتو اخوك دا ربنا يعين مرتو دا شنو عدم اخلاقو دي هسا البشوفو هو ومهيد بقول توأم ? يا يمة مهيد خلقة وأخلاق وتفاهم و...... "قاطعتها" انا : عارفاك مكرشة على مهيد وبتحبيو خلاص ارح ناكل انا جعانة ? رشو: بس الزول ما يمدح يعني طوالي تقولي حب انا اخر من يحب في ? ارح تاكلي الحمض رمد " اكلنا وصلينا الظهر لانو نحن شغالين صباح ومساء وفترة الظهر راحة ورقدنا نمنا" " قمنا العصر على صوت ونسة امي و ابوي جهزنا وطلعنا ليهم قعدنا نتونس معاهم مهيد جا طالع " مهيد: انا طالع دايرين حاجة؟؟؟ انا: اي اقيف وصلنا معاك الصيدلية ? مهيد : حتأخروني أنا مستعجل وانتو ما جاهزين انا : لالا جاهزين والله بس دقيقة واحدة مهيد : طيب سريع " مشينا لبسنا عبايات سريع وطلعنا ركبنا العربية ورا انا ورشو ومهيد سايق وبعاين بالمراية لي رشو ماشين شوية كدا فجأة وقف قال لينا جاييهو زول شويتين جا عمار وركب قدام معاهو سلم بس انا سكت ساي وردت ليو رشو طبعا انا بكرهووووو عمى?? وصل الصيدلية نزلت وطااااااخ طقيت ليو الباب ومشيت ما انتظرت رشو زاتها جات لاحقاني " رشو: شنو عاملة زي الصاروخ وبعدين شنو الحركات البتعمليها لي عمار دي عشان بحبك يعني هسا دا زول بكرهو وشو عامل زي صباح العيد وأخلاق عالية والاكتر من دا كلو بحبك وبحترمك وووو....... انا : انا ما دايراو لا يحبني لا احبو والموضوع أنتهى وتاني م يتفتح قدامي? " دخلنا الصيدلية وخلصنا الدوام بعد رجعنا البيت رشو كانت في الحمام ومهيد جا اتكلم معاي " مهيد: دايرك في موضوع ضروري ? بخصوص صحبتك راشيناز وما عارف ابدا ليك كيف ؟؟ " حك شعرو وابتسم " انا: اهاااااا واخيرا فاض بيك وحبيت تعترف انك بتحبها ?? مهيد: ياخ ما هدي انتي عارفة اها اعمل شنو ?? انا: بسيطة بكرة خالتو سنية وخالو محمد جايين يتغدو معانا وحترجع معاهم اطلبها منهم بكرة ? مهيد: جادة انتي طيب يا زولة ما قصرتي معاي والله تسلمي كتييير ? " طلع فات طبعا انا فرحت فرح شديد لانهم بستاهلو بعض وانا عارفاها بتحبو كمان بس م دايرة تعترف لكن بجيبها?" من جانب تاني ... " عائلة عمي احمد اخو ابوي طوالي بتناقشو هو ومرتو حنان وبناتو هادية وهبة وعندو ولد واحد اسمو هاشم ودا مغترب برا السودان ؛ مرتو دي حاسدة ونقناقة وبتها هادية برضو زيها اما عمي احمد طيب على نياتو وبتو هبة طالعة زيو اما هاشم دا انسان متوحش وحقير جدا ما بعرف رحمة وكلمتو هو البتمشي يعني طالع زي ابوي? " حنان: يعني ما ممكن يا احمد كل ما افتح ليك موضوع عرس هاشم من سمر تتزهج فيني ? احمد : اسمعي يا حنان تاني الموضوع دا ما يتفتح لانو سمر ما بتستاهل هاشم ؛ هاشم ولدك ما بيعرف الرحمة وسمر رقيقة ومستحيل يتفاهمو! هادية: هو نحن ناقصين كمان سمر شنو لي هاشم يمين بكرة بجيب ست ستها ? هبة : بالع** بابا كلامو صاح سمر رقيقة وظريفة وحبوبة بتدخل القلب بسرعةةة وما بتستاهل هاشم? حنان: اي ما انتي بت أبوها عاد لي ما تقولي كدا " اتناقشو كتير ودايما كانو بتناقشو في نفس الموضوع انو يعرسوني لي هاشم وحتى ابوي كان بفتح لي الموضوع من ساعة انا في الجامعة بس كنت برفض وبتحجج بالجامعة وابوي كان بماشيني لمن اقول ليو الجامعة وكدا " يتبع..........