خُلقتُ لهُ

الجزء الثاني

تاني يوم جونا ناس خالتو سنية وخالو محمد والزمن داك جهزنا انا وامي ورشو كل شي سلمنا عليهم ومهيد ومؤيد جو قعدوا معانا انا مشيت اجيب ليهم عصير من المطبخ مهيد خلف رجولو واتكل في الكرسي "

مهيد: بمناسبة اللمة الحلوة دى انا حابي اناقشكم في موضوع يا جماعة انا حابي اعرس?

امي: ما شاء الله خير السرور والهنا بس منو سعيدة الحظ دي??

مهيد: دي " واشر على رشو" انا داير بتك يا عم محمد من بعد اذنك يعني ??

محمد: شرف عظيم والله انا ما عندي مانع لو هي رضيانة??

ابوي : أمانة ما عرفت تختار نسب عظيم يا ولدي ?

رشو: عن اذنكم ماشة اساعد سمر

" جات لاحقاني في المطبخ بس سمعت صوت الزغاريد انا فهمت الحاصل طوالي قعدت اضحك وطلعت ليهم برا "

ورشو : الله يجازيك يا مهيد هسا انا اقا**هم كيف ؟؟

" المهم اليوم عد على خير ورشو وافقت على مهيد وبعد اسبوع عملوا احلى خطوبة جونا عمي ومرتو هادية سلمت علي كيف كيف اما هبة ظريفة ياخ اتونست معاها

بالجد انا فرحت من قلبي احساس حلو لمن تكون جمب أتنين انت بتحبهم وبحبوك ويكونوا لبعض بعد قضينا الخدمة و انتهينا من شغل الصيدلية

حددو العرس واتحبست وانا كنت معاها في بيتهم رحلت عديل وكل يوم مهيد بتصل يسألني بتجي البيت متين "

مهيد : ياخ بتجي البيت متين زي ما هي صحبتك انا اخوك ما ممكن تسرقك مني كدا?

انا : لالا م حارجع طالما صحبك عمار دا معاك في بيتنا محتشوف وشي نهائي يلا مع السلامة مشغولين نحن?

" يوم العرس جا وكنا في الكوفير انا ورشو منتظرين نورا تجي من الخرطوم طبعا زفافها خوووراااافي? وهي زاتها طالعة مزة والعجب الحنة شوية كدا نورا جات داخلة"

رشو : بدري كان تتاخري شوية لي جيتي? في زول بتاخر يوم عرس صحبتو كدا جزمة انتي ولا حاجة!

نورا: ابردي شوية مالك انتي زحمة الطريق والله وبعدين هديني جيت ما فات شي ?

" لبسنا شباين بالأ**د شوية كدا مهيد وعمار ومؤيد جونا والمفاجأة كان معاهم هاشم ولد عمي احمد رشو ومهيد طلعوا عربية وساقهم عمار نورا ومؤيد طلعوا عربية وانا طلعت مع هاشم لاني قلت مستحيل اطلع مع عمار في عربية واحدة ??

وصلنا الصالة والحفلة كانت موووبالغةةة? وكل ما أتلفت ألقى هاشم بعاين لي وبي الجهة التانية عمار بعاين لي المهم ما علينا الحفلة خلصت وسافروا بالليل داك طيارتهم كانت 2 صباحا رجعت البيت وكنت فرحانة وفي نفس الوقت فاقدة أكبر سند في حياتي ?"

" سّأبقىَ أُراقبكِ منَ بعيَد ..

گ طفَل فقيرَ يستمتعَ بالنظر لِـ بائع الحلوىَ دُون شراءها !?? "

" تاني يوم الصباح قاعدين كدا جو داخلين عمي احمد وهاشم ومعاو مرتو حنان سلمو علينا وفضلناهم نحن قاعدين وعمو وابوي يتكلموا في الشغل اتخيلو بس زهجوني ياخ طوالي استأذنت منهم دايرة اقوم كدا ابوي وقفني "

ابوي: اقعدي الجية دي حقتك انتي !

انا : كيف يعني حقتي قصدك شنو؟

ابوي : انا لي كم سنة بقول ليك انتي وهاشم حتعرسو وانتي بتقولي لي الجامعة هدي الجامعة انتهت والخدمة زاتها قضيتيها قاعدة في البيت ساي جا الوقت الحتعرسي فيو ??

انا : كيف يعني يا ابوي جا الوقت هو العرس دا لعبة ؟

ابوي : زي ما سمعتي وبعدين هو ود عمك يعني ما زول غريب يلا يا احمد زي ما قلت ليك قبل كدا ما عندي اي مشكلة لو دايرين هسا تعقد ليها وتشيلها معاك ?

" انا بقيت عاملة كدا??? وما قادرة اتكلم قروا الفاتحة وقامو فاتو "

انا : انا يا ابوي مش قلت ليك قبل كدا ما دايرة اعرسو هاشم دا !

ابوي: أصلا الكلمة حقتي ما طالبين رايك ادينا ا****عة كلام وخلاص وبعدين هي خطوبة بس وبعدين حيسافر وانتي مش قلتي دايرة تعملي ماجستير بعد تخلصي بجي بتم العرس ?

" طلع فات حتى رايي ما اخدو اتخيلو بس احساس الأب يعمل في بنتو الوحيدة كدا?

بالجد انا في اللحظة دي فقدت مهيد وراشيناز احكي لمنو انا ما عندي زول ومؤيد ما فاضي لي وامي بتمشي على راي ابوي بس امشي وين انا ?

خلاص الدنيا ضاقت بي دخلت اوضتي وقعدت ابكي ??

بكيت لمن صوتي راح بقيت لا باكل لا بشرب بس في الأوضة لي اسبوع بالحالة دي ماف زول بشوف وشي ولا بتفقدوني امي حاولت معاي في الاول بس تاني بطلت تجيني ?

حتى ابوي ما فكر يشوفني ولا لحظة من اليوم داك امي جاتني في الأوضة وقالت لي الليلة حيجو يخطبوك ولا فكرت في الموضوع استسلمت للواقع خلاص بعد العشاء كدا ابوي جاني في الأوضة "

ابوي: عقدنا ليك?

انا: ??? كيف يعني يا ابوي مش قلت قبل كدا خطوبة بس ?

ابوي: كلو واحد خطوبة ولا عقد في النهاية كنتو حتتزوجو ?

" طلع فات وكلامو بقى يتردد في اضاني زي الطلقة بقيت ببكي كيف ابوي يعمل فيني كدا??? على حس البكى دا دق الباب مسحت دموعي سريع"

انا : اتفضل ??

" اتخيلو طلع هاشم ????"

هاشم : كيفك يا مرتي ??

" اصلا ما عاينت ليو تاني ووخانقاني عبرة بس كاتماها "

هاشم: طيب محأطول عليك المهم جيت اقول ليك مسافر بكرة ودا تلفون فيو شريحة جديدة حأتصل ليك فيو واقفلي شريحتك دي تاني م تشتغلي بيها ?

انا: والطلب منك تلفون وشريحة منو?? شيل حجاتك واطلع برا?

هاشم : دا ما طلب على فكرة دا امر من راجلك وحتنفذيو واذا قويتي راسك برضو حتنفذيو في النهاية انا راجلك وكلمتي بس الحتمش✋

" وطلع فات اتخيلو وقاحتو بس ?? انا اتخنقت مجرد ما شفت وشو فكيف حاقدر اعيش معاو في بيت واحد وتحت سقف واحد ?"

من جانب تاني......

" عمار عرف بالموضوع وبقى م**ور ومستاء مشى لي امو وبقى بفضفض ليها امو مرة طيبانة شديد وبتريدني ريدة شديدة "

نادية: يا ولدي ما تعمل في نفسك كدا في النهاية قسمة ونصيب!

عمار: بس يا امي انا زعلان عليها لأنها بقت سلعة ?

نادية: كيفن يا ولدي بقت سلعة ?

عمار: كدا عديل يا امي سمعت أبوها وعمها بتكلمو مع هاشم ?

نادية: يعني متفقين يعرسوها ليو ؟

عمار: لالا يا امي من زمان كان بيناتهم عقد عمل في الشغل بس ما نجح وكل القروش راحت ومن الزمن داك هاشم بقى بهدد في ابوهو وعمو لو ما عرسوها ليو حيفتح فيهم قضية بتهمة الاحتيال والسرقة وعشان هم يا امي خايفين على شغلهم اكتر من بتهم عرسوها ليو غصب وهي ما عارفة السبب شنو ??

نادية: تلقاها مكتئبة وزعلانة لكن برضو يا ولدي ربنا معاها ومستحيل يخلي الظلم يدوم بس انت ادعي ليها وخليك قوي ما تت**ر وانا بدعي ليكم معاي واكيد اذا في قسمة بيناتكم حتتزوجو بس خلي ثقتك في ربنا قوية ?❤

يتبع......

" ياترى كم لدغة تعرض لها ؟! هذا الذي أطلق على مؤشرات الساعة اسم “عقارب”?"