خُلقتُ لهُ

الجزء الثالث

" بعد الحصل داك كلو بقيت ما بتكلم مع زول قافلة على نفسي وهاشم سافر وابيت افتح التلفون الجابو لي وحتى حقي قفلتو وحالتي اتدهورت ولسة مهيد وراشيناز ما رجعوا من السفر وما عارفين اي شي عن الحصل ومؤيد لسة في حالو بجي زول نوم بس ولا يوم ما فكر يجيني ويسأل مني?

ولا يوم ما حن على حالتي والعجب امي عشان ابوي طلب منها ما تشوفني نهائي سمعت كلامو ووقفت مني?

بعد اسبوع من العقد هاشم اتصل علي ابوي وشكى ليو مني وابوي غضب وجاني في الأوضة زهجان "

ابوي: يعني انتي قصدك شنو في البتعملي ليو دا هسا دي افتحي التلفون دا قدامي واتكلمي مع هاشم ?

انا: شكى ليك مني يعني بدينا خلاص انا مستحيل اتكلم معاو✋

ابوي : حتتكلمي معاو وغصبا عنك كمان ?

انا : غصبتوني اعرسو بس مستحيل تغصبوني اتكلم معاهو مستحيل ?

ابوي: وبتجادليني كمان ?

" ض*بني كف ?"

ابوي : انتي سلفا عارفة انو غير كلمتي ما بتمشي في البيت دا

انا : بتض*بني انا يا ابوي عشانو??

" بقيت ببكي ????

وهو بجوط فيني وعلى البكى والجوطة د*ك جو داخلين امي و خالتو نادية ومن دون اي مقدمات شاكلت ابوي وطردتو من الأوضة وجات حضنتني وانا زدت البكى

قالت لي امي تطلع تخلينا برانا بقت بتهدي فيني لحدي ما نمت في حضنها للحظة حسيت همومي كلها راحت وملكت الدنيا؛

احساس تلقى الراحة في حضن غير حضن امك?

احساس ابوك يرميك في الشوك عشان مصالحو?

احساس امك تخليك في حالة ميؤوس منها وما تلقاها وانت في أشد الحاجة ليها ?

وفي النهايه تلقى الحب والحنان والراحة في حضن غير حضن امك ?

في حضن واحدة غريبة وما عندك صلة بيها بالجد شي مؤسف ?

بعد ساعة صحيت ولقيتها لسة جمبي وحاضناني عاينت ليها وابتسمت وقمت من حضنها قعدت في نص السرير"

انا : ما عارفة اقول ليك شنو يا خالتو نادية بالجد شكرا ليك تصدقي انا ما نمت زي النومة دي لي اكتر من اسبوعين وما حسيت بالحنان والراحة الا عندك?❤

نادية: دا الواجب يا بتي ? انتي جاهلة وصغيرة وما تستاهلي البحصل في حياتك دا لكن دا القدر هو الوقعك في المصيبة دي وهو البحلك منها بس خلي ايمانك قوي واوع تضعفي مهما حصل وما تعاندي البقولو ليك بس اعملي بيو عشان كل ما تزيدي عناد كل ما عقدت الحكاية دا امتحان من ربنا واكيد حتتجاوزيو بس اصبري واتحسبني دايما يلا انا ماشة واعملي القلتو ليك

" فاتت خلتني براي حسيت انو كلامها صاح لازم اتغير وابطل في الشي البعمل فيو قمت استحميت وصليت لي ركعتين واستغفرت نضفت اوضتي وفتحت التلفون وطلعت برا المطبخ أكلت شوية وشربت لي عصير وفتحت التلفزيون قعدت احضر امي جات لقتني واستغربت مني حاولت تفتح معاي الموضوع قلت ليها القلتو لي حاعمل بيو بس تاني ما تفتحو لي الموضوع دا وبالذات انتي لأنك ما فكرتي ولا يوم انو عندك بنت محتاجة ليك ? بس خليك بعيدة مني كل البعد يكون احسن ورجعت اوضتي لقيت مكالمة من هاشم ما اشتغلت بيها تاني اتصل رديت "

هاشم: من قبيل بتصل ليك مالك ما بتردي??

انا : كنت برا مع امي خير في حاجة ؟!

هاشم: داير اتكلم مع مرتي اشتقت ليها الا يكون في حاجة ?

" سكت ساي وفي قلبي بقول حسبي الله ونعم الوكيل فيك يا هاشم ?

بالجد بتضايق لما اسمع صوتو أو فكر انو هو راجلي معقولة انا خلاص بقيت ليو وغصبا عني الله ينتقم منك يا هاشم ؛ اتكلمت معاهو باخر نفس عندي ولو هو بحس كان قفل في وشي بس للاسف هو انسان حقير

بعد يومين ناس رشو ومهيد جو بالجد فرحت فرح شديد واخيرا بعد الفترة دي كلها شفت انسان بحبو ?

سلمت عليهم وضيفتهم قاعدين وبعاين ليهم ياخ حلوين حلاة ربنا يحفظهم بالجد حسيت الدنيا بدت تضحك لي بقينا نتونس "

انا : شنو يعني نسيتوني ومالكم طولتو كدا ولا حتى فكرتو تسالو مني ولا حتى مكالمة زعلانة منكم !

مهيد : هسا البزعل من اخو منو في زول اختو يعقدو عليها وما يعرف الا اخر زول ?

انا : فاضيين لي انتو بتصل عليكم ارقامكم كلها مقفولة وماف طريقة توصلني ليكم ??

رشو : اي صاح والله وكل مرة اقول نفتح الشبكة نتكلم معاك بس اخوك انتي عارفاهو براك ??

" المهم اتونسنا ونسة طويلة وبعدها مهيد طلع قال عندو شغل ضروري وبعدين بجي بسوق رشو بيتهم الجديد بعدها طلعنا اوضتي انا ورشو بنتونس "

رشو : انا حاسة انو عرسك دا فيو ان ما ساي ?

انا : ماف اي شي بس جا فجأة ??

رشو: سمر ماف زول بعرفك اكتر مني احكي لي ولا عشان بقيت مرة اخوك حابة تدسي مني مشاكلك وهمومك نسيتي زمن بنتقاسم كل شي مع بعض طيب هسا الجد شنو ?

انا : لالا والله يا رشو انتي اختي وصحبتي قبل ما تكوني مرة اخوي بس ما دايرة مهيد يعرف بالكلام الحاقولو ليك دا ?

" واتفقعت بالبكاء وحكيت ليها لاني بالجد محتاجة افضفض وارتاح من العذاب دا ?"

رشو : دا كلو يحصل معاك وانا اخر من يعلم ??

" ارتحت راحة نفسية لاني فضفضت شوية وحنستها انو ما توري مهيد لانو ما برضى فيني وممكن بجوط الدنيا ويخا** ابوي ويقتل هاشم وكدا عيلتنا حتتشتت وتتفرق وما دايرة دا كلو يحصل بسببي؛

قضينا كل اليوم ونسة وضحك وبالليل مهيد جا ساقها بيتهم الجديد وانا رجعت للعيشة القديمة ومن البيت ما بطلع بس بتكلم مع هاشم كل يوم ونفسياتي بتزيد وهو كل مكالمة بحاول يخلق مشاكل وانا بحاول اتجنب النقاشات معاو لمن أتذكر كلام خالتو نادية؛

مهيد وراشيناز حياتهم كلها فرح بقيت بزورهم مرة مرة ومهيد طوالي بعمل لينا طلعات وبرنامج وعمار لسة شغال مع مهيد في نفس الشركة وشركتهم اشتهرت واسهما بقت عالية شديد

اما مؤيد دا اتغير في الايامات الأخيرة بقى برجع من الشغل بدري عشان يفضي لي وقت معاهو واكتشفت انو نورا هي سبب التغيير دا لانها ارتبطت معاهو وبقت تتكلم معاهو طوالي

وابوي لسة في حالو كل يوم نقاشات وحوارات مع امي وهي بتسمع كلامو ؛

اما عمي احمد ندمان على العملة العملها فيني بس للاسف ما قادر يعمل شي لانو مرتو حنان وبتو هادية بملو لي هاشم راسو ؛

بعد فترة نفسياتي بدت تتحسن بسبب مهيد ومؤيد لانو كل يوم يومين بنطلع طلعة ؛

يوم طلعنا وايسر كان معانا وانا قاعدة بتونس معاو هاشم اتصل علي فتحت الخط وسمع صوت ايسر جمبي طوالي هاج فيني "

هاشم : دا منو كمان بقيتي تباري لي الاولاد ؟

انا : دا شنو يا هاشم تفكيرك دا وبعدين دا ما اسلوب تتكلم بيو معاي انا بالذات لمن يبقى عندك اسلوب بعدها برد ليك ??

هاشم: بتتكلمي معاي انا كدا طيب بوريك ليو

" قفل الخط وواصلت ونستي مع ايسر بعدها رجعت البيت "

يتبع .......