Kinabukasan, maagang nagising si Melissa upang ipagluto si Hugo ng paborito nitong almusal—scrambled eggs, bacon, at garlic rice. Pinaghandaan niya ang bawat detalye, mula sa tamang timpla ng itlog hanggang sa maayos na pag-aayos ng pagkain sa plato.
Habang inaayos ang lamesa, narinig niya ang mga yapak ni Hugo pababa ng hagdan. Napangiti siya kahit alam niyang malamig pa rin ang pakikitungo nito.
"Good morning, Hugo! Breakfast is ready," masiglang bati ni Melissa habang inilalapag ang mainit na kape sa tabi ng plato nito.
Hindi man lang siya tinignan ni Hugo. Dumiretso ito sa kusina, kumuha ng baso ng tubig, at umupo sa dulong bahagi ng dining table, malayo sa inihandang pagkain ni Melissa.
Tahimik itong uminom ng tubig, pagkatapos ay tumayo na parang walang nakita.
"Hindi ka ba kaka
