Nasa kalagitnaan ng pagtatrabaho si Hugo sa kanyang opisina, abala sa pagbasa ng mga papeles at pag-apruba ng ilang kontrata, nang biglang bumukas ang pinto. Hindi na siya nag-abala pang tumingin, alam niyang sina Rex at Emil iyon—ang dalawa niyang matalik na kaibigan na palaging hindi nauubusan ng kwento.
"Pare, mukhang busy ka ah," bungad ni Rex, nakangisi habang umupo sa sofa sa harap ng mesa ni Hugo.
"Hindi lang mukhang, talagang busy," sagot ni Hugo nang hindi inaalis ang tingin sa hawak niyang dokumento. "Ano na naman ang balita at naisipan niyong istorbohin ako?"
"Relax, Hugo," sabat ni Emil, nagkibit-balikat at kumuha ng apple mula sa fruit bowl sa mesa. "May dala kaming tsismis. Siguradong gusto mong marinig 'to."
Napakunot ang noo ni Hugo. Alam niya kung gaano ka-detalye magk
