"Naku! Baka mahulog ka niyan. 'Wag na lang siguro."
"Huwag kang mag-alala," he assured. Wow, hindi na yata ako masyadong nagsasalita ng English. Hindi niya ako pinakinggan at nagpumilit pa siyang akyatin ang puno kaya hayun, nakaakyat nga siya matapos ang ilang sandali.
"Federico! Mag-ingat ka riyan, ha? Ako 'yong kinakabahan para sa 'yo eh!" nag-aalalang wika ko sa kaniya habang ako'y nakatingala. Baka 'pag nahulog siya, ako pa ang may kasalanan. Hindi ko naman siya pinilit na akyatin ang puno.
"Masusunod po!" sagot naman niya at ngumiti. Feeling ko naman hindi siya kinakabahan. Parang wala lang sa kaniya ang pag-akyat eh.
Ilang saglit din ay nagsimula na siya sa pagpitas ng mga bunga. "Sandali, ano bang gusto mo? Hinog o hilaw?" tanong niya roon sa taas.
"Gusto ko sana 'yong hilaw!
