ROXAN was crying again and he couldn’t do anything. Ano ba ang puwede niyang gawin kung hindi nagsasalita si Roxan? Pagkatapos ng tahimik na pag-iyak sa gabi, kinabukasan ay makikita niyang nakangiti na naman, magpapanggap na okay lang ang lahat.
Hindi man aminin ni Roxan, alam ni Rav na may kinalaman ang pagbabalik ni Cedric. Okay sila bago ang hindi natuloy na kasal ng lalaki. Okay sila bago nagkita uli ang dalawa sa ospital. Okay pa rin sana sila—kung hindi lang nagbalik sa buhay ni Roxan ang magaling na lalaki.
Ngayong nakikita na niyang miserable si Roxan, hindi na magawang magtanong ni Rav kung ano ang gusto nitong mangyari—kung itutuloy pa ba o hindi na ang kasal. Takot na siyang marinig ang sagot. Pinipili na niyang maging selfish. Ang kasal ang gagamitin
