WALANG katinag-tinag si Roxan. Halos tulala sa puwesto—sa pang tatlo sa hilera ng mga upuan sa funeral home. Hawak pa niya ang cell phone, naghihintay ng tawag o text man lang ni Rav. Bago siya umalis ng condo kanina, nag-text na siya kay Rav. Hindi na niya kayang maghintay na lang ng tawag o text nito. Simpleng tanong lang kung kailan babalik ng Manila ang laman ng text niya kasunod ang pagsasabing hindi siya uuwi ng unit after work, na pupunta siya sa wake ni Andrea at baka sa funeral home na magpa-umaga.
Hanggang nang oras na iyon na past eight PM na, naghihintay pa rin siya ng reply ni Rav pero wala. Nag-ring naman ang cell phone nito nang sinubukan niyang tawagan kaninang nasa biyahe siya.
Ayaw lang mag-reply, sa isip ni Roxan at ibinalik sa bulsa ang cell phone. Tumitig na lang s
