SABAY nang pag-exhale ang paghagod ni Rav sa dibdib. Naka-freeze siya ilang hakbang mula sa pintuan ng funeral home. Hindi siya handa sa nakita—sina Cedric at Roxan, nagtititigan. Kitang-kita pa niya ang pagngiti ng babae habang titig na titig kay Cedric.
Parang na-upper cut si Rav. Hindi pala siya dapat nagmadali pabalik ng Manila. Nag-alala siya kay Roxan pagkatanggap ng text nito. Kahit sa isip lang, hindi niya gustong makitang nalulungkot at umiiyak ang babae. Alam niya kung gaano ito naging malapit kay Andrea kaya magiging mahirap para kay Roxan ang sitwasyon. Nag-cancel siya ng lahat ng lakad hanggang sa susunod na araw. Kailangan niyang mabilis na makarating ng Manila. Sa pagmamadali, naiwan pa niya sa table ang kanyang cell phone. Sana lang, nakita nina Quiah at Favio
