CHAPTER 85: GO BACK
Malapit nang mag-umaga pero hindi pa tapos ang pag-uusap ng pamilya Benzelius. Nakatayo pa rin sila at pinapakinggan ang mga sinasabi ni Rhys sa kanila.
"Rhys, tama na... naiintindihan na nila 'yon," ani Shioban.
Nagsimulang umiyak ang Quina. Napahawak na lang sa noo ang dalaga dahil sa nakikita niyang pag-iyak nito. Parang ipinapakita pa nitong may mali sa mga sinabi niya.
"Ganito ba talaga ang pamilya mo? Parang mga bata na iiyak na lang kapag hindi nasunod ang gusto?" ani Rhys pagharap sa kanyang kakambal.
Tumingin sandali si Shioban sa kanyang ina nang maupo na ito sa kama katabi ng Reha at doon ay patuloy siyang umiyak, inalo na lang siya ng kanyang ama. Ibinaling ng binata ang tingin sa kausap at sumagot, "Pamilya mo rin sila, at isa pa, hindi rin ganoon kada
