CHAPTER 86: CELEBRATION
Nagising si Rhys sa katok mula sa kanyang kwarto. Sa pagbangon niya ay sandali pa siyang nagitla, tila nakalimutan siya na narito siya sa Kastia.
Hindi niya masyadong nalibot ng tingin ang loob ng kwarto pagpasok niya rito dahil mas inuna niya ang matulog. Ngayon niya lang napagmasdan na sobrang laki pala nito, sa tingin niya ay mas malaki pa ang kwartong ito sa bahay nila ng kanyang In-ma at sa bahay ni Cush.
Hanggang ngayon ay hindi siya makapaniwala na narito siya ngayon sa Kastia. Buong akala ng dalaga ay hindi niya pahihintulutan ang kanyang sarili na tumapak manlang dito pero siya at dito pa natulog.
Madaming bagay ang nagbago sa pananaw ng dalaga, akala niya rin ay matatagalan bago niya matanggap ang pamilya niya... pero paglipas lang ng isang gabi, tila
