BUSANGOT ang mukha ni Edna. Ipinatawag siya kanina ni Noel at pinapapunta siya sa opisina ng amo nila. Sinabi rin ng manager na simula sa araw na ito, tanging sa opisina ni Peter siya maglilinis. Aalma sana siya, pero naalala niyang si Noel ang kaharap niya at hindi si Peter. Sumusunod lamang ito sa utos ng nakakataas. Kaya walang saysay ang mga pagtutol niya. Hindi lang siya pumayag na tapusin ng maaga ang trabaho niya. May kinikilingan na kaagad ang amo niya. Hindi porket nobya siya nito ay pabor sa kanya ang trabahong ibibigay.
"Pambihira talaga itong si Peter," mahinang nasambit na lamang ni Edna.
May kutob na siyang ito ang may pakana ng pagbabago sa kanyang routine. Maging ang pagpapatawag ay si Peter din ang sagilan. Nahihinuha na niya kung paano uusok sa galit ang ilong nito dah
