ARAW NG kasal nina Cory at Ely sa simbahan. Sa wakas pagkaraan ng mahabang taon ay matutuloy na rin ang kasal ng kaibigan ni Peter sa asawa na nitong si Cory. Sa dami ng pagsubok na dumating sa pagsasama nila, napagtagumpayan pa rin nila at magpapakasal ulit. Ngayon ay sa simbahan na ang lahat. Ito ang pangarap ng kanyang Ate Cory, ang maikasal sila sa simbahan ng asawa niya.
Isa sa mga abay ay si Edna. Naiinip na ang dalaga sa mahabang paghihintay. Kinakati siya sa suot niya at parang ang bigat sa kanyang pakiramdam ang mahabang laylayan ng suot. Maging ang kanyang suot na heels ay napakataas. 'Di na nga siya sanay na magsuot ng gown, mas lalong hindi niya rin kayang magsuot ng sapatos na may mataas na takong. Para kay Ate Cory niya kaya nagtitiis siya sa gown at sa sapatos na suot.
Nat
