PUMASOK si Edna sa loob ng pribadong kuwarto kung nasaan dinala si Mariz. Nadatnan niya sina Noel doon. Nakaupo sa upuan katabi ng natutulog pang kaibigan.
"Mr. Clarkson." Napatayo si Noel nang makita sila ni Peter. Nginitian naman ni Peter si Noel habang palapit sila ni Edna.
"Congratulations, Noel," nakangiting bati ni Peter. Maigi pa si Noel, mayroon na itong anak. Sila kaya ni Edna, kailan?
"Thank you, Mr. Clarkson." Binalingan ni Noel si Edna. "Edna, kanina pa ka pa hinahanap ng kaibigan mo."
"Pasensiya na, Noel. Hindi namin nahanap ang kuwarto ni Mariz. Kumusta na pala s'ya?" Napatingin si Edna sa kaibigan na tulog pa rin.
"Okay lang 'yon. Ipinaliwanag ko kay Mariz na busy ka," tugon ni Noel. Pilit na ngumiti si Edna.
Nang bumukas ang pintuan. Sabay silang tatlo na napatingin s
