WALANG GANA na nagtrabaho si Edna. Tila nanlulumo s’ya sa mga naganap sa kanya ngayong araw. Gayunpaman, ay natapos pa rin n’ya na mag isa ang paglilinis sa buong executive floor. Wala s’yang masabihan ng problema n’ya para naman gumaan ng kaunti ang bigat sa dibdib n’ya. Tanging si Mariz lamang ang nakakasabay sa kanyang kabaliwan. Nasa ospital pa ang kaibigan n’ya at ayaw n’yang abalahin ito sa problema n’ya. May sarili ring kinahaharap na probema si Mariz. Isa pa bawal itong ma-stress dahil may sakit ito at medyo maselan ang pagbubuntis nito. Pero balak n’yang dalawin si Mariz para malaman ang kondisyon ng kaibigan n’ya. ‘Di rin kasi pumapasok si Mr. Noel sa CLA. Siguro’y dahil sa pagbabantay sa nobya n’ya. Masaya siyang maayos na ang relasyon ng kaibigan n’ya sa ama ng anak nito. At na
