PINUNTAHAN ni Edna ang kompanya na nakita niya sa dyaryo na may hiring. Pusturang pustura siya, naka-black skirt at white polo ang suot niya. Hawak ang kanyang folder na laman ang kanyang mga requirements.
"I'm sorry, Miss Bartolome. Pero may nakuha na kami para sa posisyon na sekretarya," sabi sa kanya ng HR manager.
"Okay lang po. Maraming salamat po," sabi niya. Kahit na nalungkot siya ay hindi niya ipinahalata. Marami pa namang ibang kompanya ang puwede niyang aplayan.
Lumabas siya ng opisina ng HR at dumiretso sa harap ng elevator. May biglang tumabi sa kanya. Hindi niya ito pinansin. Nang bumukas ang pinto ng elevator ay agad siyang pumasok sa loob.
Nagulat siya nang mapagsino ang taong sumunod sa kanya na pumasok sa loob ng elevator. At pinindot ang letter G.
"Edna, what are yo
