PAGKAUWI NI Edna sa bahay nila ay lata siya dahil sa sobrang pagod, sa dami ng pinuntahan nila ni Mariz. Ang dami ni request ng buntis, panay rin ang kain. Request na pumunta sa fast food, hindi mapaniwala si Edna na ganoon katakaw si Mariz.
“Edna, kumain ka na ba?” tanong ni Roma sa pamangkin. Napaayos si Edna ng upo sa upuan.
“Opo, tiyang. Sa labas po kami kumain ni Mariz.” Umupo ang Tiyang Roma niya sa tabi niya. Pinatong saglit ang kamay sa hita niya.
Ngumiti si Roma kay Edna. “Marami ka ng mas nagagawa ngayon kesa noon. Sobrang ipinagmamalaki kita. Alam mo ba na masaya ako na kahit ang sama sama ng ginawa ko sa ‘yo at ipinaparamdam ko sa ‘yo. ‘Di mo ako iniiwan. Natutuwa ako na pinatunayan mo ang sarili mo sa ‘kin. Tingnan mo ang sarili mo, may magandang trabaho sa isang magandang
