NAGDAAN PA ANG limang araw. Masayang nagtatrabaho pa rin si Mariz at Edna sa CLA. Animo'y walang iniinda na problema. Dalawang linggo na lang rin at aalis na si Mariz sa CLA. Itinuloy pa rin nito ang resignation na hindi tinutulan ni Noel. Hindi kaya ng kaibigan ni Edna na manatili pa sa CLA. Maghahanap ito ng bagong trabaho at habang wala pa siyang nakikita ay tutulungan naman ni Edna si Mariz. Pinutol na ng kaibigan niya ang ugnayan kay Noel at makakaya ng kaibigan niya mag isa na hindi kakailanganin ang dating nobyo.
“Kaya mo pa ba? Ang dali mo ng mapagod, Mariz. Ako na lamang ang gagawa ng mga trabaho mo. Baka bigla ka pang magcollapsed sa pagod. Ang bilis ng mga paghinga mo,” ang punang tanong ni Edna.
“Normal daw ito sa mga buntis. At saka kaya ko pang magtrabaho. Huwag mo akong in
