UMALIS KAMI ni Aaron sa Hideout at nagtungo sa lugar kung saan nakatira ang taong may malaking kasalan sa aming pamilya. Pati ako ay biglang kumulo ang dugo, dahil sa walang kuwentang taong iyon na nag-utos na ipaligpit kaming mag-anak. Hinding hinding ko mapapatawad ang taong iyon. Pati buhay ng anak ko ay inilagay niya sa panganib, dahil lamang sa walang kuwenta niyang motibo kung bakit niya kami gustong mawala sa mundo. Makita ko lang talaga ang taong iyon, sisiguraduhin kong makakalbo ko siya.
Malapit na kami sa Ayala, nang biglang nagsulputan ang mga tauhan ni Aaron sa tabi ng kotse namin. Kanina ko pa hindi nakikita ang mga kotse nila, pero ngayon ay parang mga kabuting nagsusulputan.
"Saan ba galing ang mga tauhan mo at biglang nawawala at bigla din nagsusulputan na parang kabut
