KINAGABIHAN ay masayang nagkuwentuhan ang buong pamilya sa malawak na Sala ng bahay ng magulang ni Aljoe. Punong-puno rin ang kanilang coffee table ng mga kakanin, prutas at mga nuts na dala pa nina Alvin at Chelsea mula sa America.
Sarap na sarap naman sa pagkain ng Almonds, Macadamia at Pistachio nuts si Bhella. Isa ito sa mga gusto niyang kainin, simula noong high school pa siya. Madalas kasing magpadala noon ng iba't-ibang uri ng Nuts ang tita niya na nasa New Zealand, kaya hindi na ito bago sa kanya ang pagkain nito.
"Babe, baka sumakit ang tiyan mo niyan mamaya. Gabi pa naman ngayon at ang lamig ng panahon, tapos kadami mong kinain na nuts." pagpuna ni Aljoe sa asawa.
"Ang sarap kasi eh. Bilhan mo ako nito, pagbalik natin sa Manila. Gusto kong kumain nito habang nagbabasa ako n
