Ayon kay Liz tatlong araw pagkatapos ng bridal shower ko ay bumalik na raw si JD sa Cebu. Well, I also have done my research about my child’s father. Through the internet, nalaman ko na pagkatapos pala niyang maka-graduate sa US four years ago ay sa Cebu na talaga siya namalagi para pag-aralan nang husto ang pamamahala ng hotel na pagmamay-ari ng kanilang pamilya - ang Midland Hotel.
Naging maayos naman ang naging flight ko papuntang Mactan-Cebu International Airport. Mayroong coaster van na nakaabang sa mga guest na magmumula sa airport papuntang Midland Hotel. Sa bilang ko ay nasa walo kaming guest na nasa loob nang nagsimulang magbiyahe ang van paalis ng airport. Buwan na kasi ng Hulyo kaya hindi na kasing dami noong nagdaang summer ang mga turista.
It was my first time on this city.
