“Erica, tama ang hinala natin, si Shaira; siya ang walang awang bumangga sa’yo. Hindi lang pala impakta ang babae na ‘yon. Demonyo pala talaga siya! Silang lahat!"
Napahawak ako sa dingding, para kasing nawalan ng lakas ang mga paa ko. Kahit may hinala na kami ni Myra, iba pa rin pala sa pakiramdam ‘yong na confirm namin mismo na siya nga ang walang puso na nagtangka sa buhay ko. Mas nakakatakot at mas nakakabahala.
“Tara na, Erica. Umalis na tayo. Hindi deserve ni Reynald ang pag-aalala mo. Hindi niya deserve na bisitahin, at lalong hindi ka niya deserve.” Ang dami ng nasabi si Myra, pero ako, hindi pa rin makapagsalita.
“Erica, ano ba? Tara na! ‘Wag ka nang mag-isip. Hindi dapat kaawaan si Reynald. Niligtas ka nga niya, pero pinagtakpan niya naman si Shaira. Tinatago nila sa mga pu
