CHAPTER 118:
Hindi namalayan ni Samantha na nakatulog pala siya matapos niyang magpaalam sa kanyang ama na gusto niya munang ipahinga ang buo niyang katawan pagkatapos ng maghapong pagtatrabaho. Mabuti na lang at tiningnan pa siya ni Ally bago ito tuluyang umuwi kaya may gumising pa sa kanya, kung nagkataon kasi na wala ay maaring magising na siya ng hating gabi o hindi kaya ay umaga na dahil sa sobrang lalim ng naging tulog niya.
Sabay na lumabas ng opisina sina Samantha at Ally, habang naglalakad ay ibinilin na kaagad ng gobernador kung ano ang kailangang gawin ng kanyang sekretarya bukas na bukas pagpasok nito sa trabaho. Sa dami ng kanyang ginawa ngayong araw bukod pa sa mga trabahong may kinalaman sa nasabing meeting,hindi niya na maalala kung ano sa mga iyon ang kailangan pang itu
