CHAPTER 111:
Madilim na ang paligid nang makarating si Shaika sa lugar kung saan sila magkikita-kita nina Owen, Carlo, at Dave. Hindi siya nag-aksaya ng oras at nang makababa siya sa kotse ay mabilis siyang umakyat sa rooftop ng building. Habang papunta r’on ay hindi mawaglit sa isipan niya ang ginawa niyang pagpunta kay Samantha, tila pakiramdam niya isang pagkakamali na naman ang nagawa niya.
Naabutan niya ang tatlong lalaking naghihintay sa kanya na nakatayo malapit sa corridor ng rooftop. Pare-pareho silang nakatingin sa kanya nang marinig nila ang pagbukas ng pinto. Pero dahil sa dilim, hindi niya kita kung ano ang reaksyon ng mga ito. Ngunit tiyak niya naman na sa mga oras na ito ay alam na ng dalawa ang tungkol sa panibagong problema nila.
Bumuntong hininga si Shaika bago niya tu
