CHAPTER 113:
Kasabay ng ginagawa nila Shaika na pagpaplano kung paano nila dapat harapin ang panibagong delubyong darating… ay nasa gitna naman ng malalim na pag-iisip si Samantha. Mula nang iwan siya ni Shaika at balaan na dapat siyang mag-ingat kay Zeldris Tan ay hindi na ito nakapagtrabaho pa nang maayos dahil hindi na nawala sa isipan niya ang tungkol sa bagay na iyon.
Malapit nang maghating-gabi ngunit nakaupo pa rin ang dalaga sa kanyang swivel chair sa opisina habang hawak ang isang baso ng wine—sa halip na kape—at naglalayag ang isipan. Tila ba pati ang nangyari kanina sa meeting ay binalikan niya na rin upang sariwain kung paano ba magsalita si Zeldris… na animo’y makakakuha siya ng ideya sa tanong sa kanyang isip kapag ginawa niya iyon.
Hindi itatanggi ni Samantha na talagang
