CHAPTER 86:
Hanggang ngayon na kahit anong gawin ni Herlene para mapansin at mapatawad siya ni Zeldris ay hindi pa rin siya nito nabibigayan ng pansin. Hindi man niya sabihin ngunit nahihirapan siyang kumilos sa loob ng opisina kapag nagkakaroon ng pagkakataon na kakausapin siya nito na tungkol lang sa trabaho. Tila hindi siya makapaniwala na nagagawa ng binata na mapanatili ang pagiging propesyonal nito sa harapan niya na hindi nagpapakita na galit siya rito.
Ilang beses na niya sinubukan na lapitan si Zeldris at itanong sa binata kung maari ba niya ito makausap ng sarilinan, ngunit ilang beses na siyang tinatanggihan ng binata at alam niya na kung ano talaga ang dahilan nito kung bakit… ano mang sabihin nitong rason bakit hindi sila puwedeng mag-usap ay iisa pa rin ang totoong dahilan
