CHAPTER 73:
Hindi alam ni Shaika kung ano ang dapat niyang isagot sa balitang narinig. Inasahan niya na masama ang ibabalita ni Dave sa kanya dahil nga naramdaman niyang ayaw ipaalam iyon ni Owen sa kanya base sa naging reaskyon nito noong nakaraang magkausap sila sa telepono. Pero hindi inasahan ng dalaga na ganito ang uri ng balitang kanyang maririnig.
“Pababayaan ni papa ang Dark Knight? Nagbibiro ba kayo?” muling tanong ni Shaika sa dalawa.
Sa dilim ng paligid ay hindi kita mula sa kinatatayuan ni Shaika ang reaksyon ng kanyang mukha, at ipinagpapasalamat niya iyon dahil hindi niya kailangang magpanggap na natatawa lang talaga siya sa bagay na sinabi ni Carlo sa kanya. Maaring may parte sa kanya na hindi siya naniniwala sa narinig, pero mayroon ding parte sa kanya na nasasaktan… ni
