CHAPTER 79:
Sanay si Shaika na papasok lang siya sa Munisipyo sa oras kung kailan kailangan siya ni Zeldris. At kahit ilang beses na siyang nakikita ng ibang bodyguard na pumapsok ay hindi pa rin nagbabago ang tingin ng marami sa kanya—lahat sila ay may taglay pa ring takot sa dalaga at hanggang ngayon din ay gusto iyon ni Shaika. At sa totoo lang ay ayaw niyang mawala ang takot ng mga tao sa kanya para kung sakaling dumating ang pagkakataon na patayin na niya si Zeldris… hindi maging hadlang ang mga ito.
Madami siyang pinoproblema sa buhay, at dumagdag pa nga ang tungkol sa panibagong utos ni Maestro na ipapatay siya. Kung tutuusin, hindi naman na bago iyon… dahil ito na ang pangalawang beses na iniutos iyon ni Maestro—hindi nga lang direkta sa kanya, ngunit kasama na rin siya r’on dahi
