Magkakatitigan. Yuyuko. Magkakatitigan ulit. Sabay yuyuko habang may pigil na ngiti sa mga labi.
Ganun sila kamukhang tanga ni Sean. Pang-ilang beses na nilang nagawa iyon. Para silang nag-uusap at nagsasabihan ng mga nakakakilig na salita, at kung bakit sa huli ay mapapangiti na lamang sila at yuyuko. Nasa canteen ulit sila ng ospital. Hinihintay na lamang nilang magising si Lola Jolens at ngayon ang labas ng matanda.
Nag-angat ng mukha si Dona at muli ay nakita nya na nakatitig si Sean sa kanya. “Ano?” natatawang sabi nya rito.
Inabot ni Sean ang kanyang kamay sa ibabaw ng lamesa saka iyon pinisil. “Ayaw mo talaga?”
Pabirong umirap si Dona, saka marahang umiling. Sa halip na madismaya ay itinaas ni Sean ang kamay nya at saka dinampian ng halik. Di pa ito nakuntento at lum
