┈┈┈┈◦•✩•◦┈┈┈┈
"Ang ganda naman ng ngiti mo." Biglang nag-angat ng mukha si Darwin ng marinig niya ang boses ni Maria Karen Toews. Makikita sa mukha niya ang pagkagulat, hindi niya inaasahan na makikita sa Manila ang kanyang kaibigan.
"Ano ang ginagawa mo dito? Wala ka bang trabaho sa Cebu?" Tanong niya, pagkatapos ay muling ibinalik ang mga mata sa computer at ipinagpatuloy ang trabaho niya. Maria rolled her eyes, pagkatapos ay inilapag sa coffee table ang kanyang signature bag.
"Kaya nga ako nandito sa Manila dahil may business meeting ako mamaya sa magpipinsang Dux. Trabaho 'yon, hindi ba?" Nakataas ang kilay niyang tugon. Tumaas din agad ang isang kilay ni Darwin at napatingin siya sa kanyang kaibigan. Bigla namang natawa si Maria Karen at naupo ito sa sofa.
"I love it when you rai
