◄Darwin's POV►
Masayang-masaya ako ngayon dahil sa wakas ay kasintahan ko na si Aurora. Hindi ko maunawaan ang sarili ko kung bakit ganito ko siya kamahal. Siguro ay dahil nakikita ko sa kanya ang mukha ng aking dating kasintahan. Siguro ay dahil nakikita ko rin sa kanya ang ilang kilos ni Aurora nuon, at isa pa ay kapangalan niya ito. Hindi ko maipaliwanag kung bakit, pero siguro ay dahil hinahanap ko si Aurora sa katauhan ng iba.
Hindi ko akalain na tatanggapin niya ako sa buhay niya bilang nobyo, kaya gagawin ko ang lahat upang maipakita at maipadama ko sa kanya na tunay ang pagmamahal ko para sa kanya. Gagawin ko ang lahat, para hindi siya mawala sa buhay ko. Ipaglalaban ko siya kung kinakailangan.
"Mukhang masaya ang pinsan ko, ah!" Boses ni Zandro. May halong panunukso. Ano kay
