DAHIL busy na sa trabaho at minsan na lang makadalaw doon sa Farm si Michael. Nang gabing iyon, niyaya ito ng mga tauhan na makipag-inuman. Noon hanggang ngayon, hindi nagbago kung paano makisama ang lalaki sa mga trabahador doon sa Farm. Isang bagay na nagustuhan ni Lia.
Kung mayroon man silang pagkakapareho ng asawa. Iyon ay pareho nilang hindi nakilala ang Mommy nila. Michael’s mom died after giving birth to him. Ang Daddy naman nito ay abala sa pagpapatakbo ng negosyo kaya lumaki itong malayo ang loob sa sariling ama. Si Lola Martha ang nag-alaga at nagpalaki dito. Nakuha nito ang ugali ng matanda na mapagkumbaba. Mabait, may respeto at makatao sa mga trabahador sa Farm. Kaibigan at hindi basta namamasukan ang tingin ni Michael sa mga trabahador doon, kaya mahal at
